2021 жылдың 30 сәуірінде Қазақстан халықтарының бірлігі күні қарсаңында мектебімізде санитарлық нормалады сақтай отыра мерекелік концерт ұйымдастырылды. Концертке «Астана дарыны» дарындылықты дамыту және психологиялық сүйемелдеу орталығы директоры Тұрсынов Ғаждембек Қуанышұлы және директордың орынбасары Бураклиева Гүлбахыт Мұқашқызы қатысып мектеп оқушыларының өнерін тамашалады. Концертте Ұлт аспаптар оркестрі жетекшісі Е.Д.Мәкенов, «Балауса» фольклорлық ансамблі, жетекшісі А.Ж.Сагатова , «Қыздарай» дәстүрлі әншілер ансамблі жетекшісі С.Жұмағалиқызы, «Тұмар» қобызшылар ансамблі жетекшісі Г.Б.Кентбаева, «Серпер» домбырашылар ансамблі жетекшісі М.А. Сулейменова, Үрмелі аспаптар оркестрі жетекшісі А.М.Мухамедияров , «Dolce» скрипкашылар ансамблі жетекшісі З.Д.Сеитова , «Ару» би ансамблі жетекшілер Б.М. Секербек, Г.К.Нурбекова, «Жігер» триосы жетекшісі Р.Ерасилова, жеке орындаушылардан Даулетбак Майра Тұрлыбекқызы шәкірттері Мұхаметжан Сейтжан, Жекей Жаннамен, Қаз Мағжан және қытай әні «Иуе лияң дай бияу о ды» нақышына келтіре орындаған мектебіміздің мұғалімі Белгібай Мақпал өз өнерлерімен қонақтарды таң қалдырды. Концерт жоғары деңгейде өтті. Іс шара соңында Ғаждембек Қуанышұлы ыстық ықыласын білдірді және мектеп директоры Кыдырманов Болат Сапабекұлы биылғы 54 -ші республикалық жас музыканттар байқауының жеңімпаздары «Dolce» скрипкашылар ансамблін құттықтап, сыйлық беріп дипломдармен марапаттады.