2023 жылдың 1 ақпан күні Білім басқармасының әдістемелік орталығы және мектебіміздің ұйымдастыруымен Әл-Фараби атындағы Оқушылар сарайында мектебіміздің ұлағатты ұстазы, ақын , әнші, сазгер, күйші, ҚР Мәдениет саласының үздігі Оспан Сүлейменұлының 75 жас мерейтойына арналған «Мизам шуақ» атты шығармашылық кеш өткізілді. Кеште Оқу ағарту министрлігінің қосымша білім беру әдістемелік орталығының әдіскері Бекбаев Дидар, қалалық ардагерлер кеңесінің төрағасы орынбасары Жұмағатов Сатыбалды, Білім- өркениеті ұлттық инновациялық ғылыми зерттеу орталығының директорының орынбасары Саят Набиев т.б қонақтар өз құттықтауларын білдірді.
Шығармашылық кеште Оспан ағаймен талай шет мемлекеттерге жұмыс сапарымен бірге барған Гүлмира Тоқтасынқызы өз жетекшілік ететін «Рауан» би ансамблінің «Мереке думан» биімен көрермендерге тамаша тарту жасады.
Сонымен қатар концертті өз арнауымен белгілі айтыскер, ақын Сырым Әуесхан, №1балалар музыка мектебінің «Серпер» домбырашылар ансамблі, жетекшісі Мөлдір Сулейменова, мектеп ұстаздары Бегасилов Рахат, Ахметов Бауыржан, Сәрсенбек Жалғас, Бекболат Айманов, Оспан ағай өз шәкірттері Сағатова Айгүл, Омарова Эльмира, Кузаирова Аяулым, Асқар Алинұр, №67 мектеп ұстаздары Калиева Алтын, Әбет Елена, Алтынгүл Заманбекқызы, №2 балалар музыка мектебінің домбырашылар ансамблі жетекшісі Зайнуллинова Айгуль, №2 өнер мектебінің «Сырлы саз» фольклорлық ансамблі жетекшісі Нұрхан Айжарықов ағайдың көптеген әндерін, шығармалырын келген қонақтарға тарту етті. Концертті қызықты, әсерлі өткізді.