Баспасөз парақшасы

         2025 жылы 26-ақпан сағат 11.00-де Астана қаласы әкімдігінің
«№1 Балалар музыка мектебі» ШЖҚ МКК 35 жылдығы аясында «Ғасырлар пернесі» іс-шаралар циклы аясында ақын, әнші, сазгер, күйші Оспан Сүлейменұлының білім саласында еңбек еткеніне 60 жыл толуына орай  құттықтау кеші ұйымдастырылып өткізілді.

Іс-шараға арналып Оспан Сүлейұлының жеке мұрағатынан алынған әр жылдардағы қоғамдық қызметтегі суреттерден, кітаптардан құралған көрме жасалды.

Құттықтау кешіне ұстаздың шәкірттері, мектеп педагогтері, бірге қызмет жасап жүрген үзеңгілес әріптестері, өңірлерден сыйлас аға-інілері қатысты.

Оспан Сүлейменұлы 1948 жылы 1-ақпанда Қорғалжын ауылында дүниеге келген. 1971 жылы Сәкен Сейфуллин атындағы Целиноград мемлекеттік педагогикалық институтын бітірді.

Еңбек жолын 1966 жылы Ақмола облысы, Целиноград ауданы, «Қосқопа» сегізжылдық мектебінде ән-күй, сурет және көркемөнерпаз жетекшісі ретінде бастаған Оспан Сүлейменұлы 50-ге тарта мемлекеттердің сахна төрінде күй ойнаған, Ақмола өңірінде 40 жыл ұлт аспаптар ансамбілі мен оркестірін басқарған дирижер, суретші. 3520-ге тарта мақалалары жергілікті және республикалық журналдарда жарық көрген журналист, әдіскер, ұстаз. Сонымен қатар отанға, елге, жерге, ұлтқа деген махаббаты жалындаған «Ақмолам-Астанам», «Қазағымның дәстүрі», «Ата қасиеті», «Жастарға тілек», «Ғашықтар сыры» атты әндер мен «Наурыз самалы», «Ана бақыты», «Көктем шуағы» күйлерінің авторы.

Ұстаз-ардагердің құттықтау кешінде Қазақстан Республикасы Оқу-ағарту министрлігі «Республикалық қосымша білім беру оқу-әдістемелік орталығы» РМҚК бас маманы Дидар Мақсұтханұлы, №1 балалар музыка мектебі директоры Жанар Серікқызы, №3 балалар музыка мектебінің директоры Гүлмира Жангелді, ҚР оқу ісінің үздігі, композитор, шертпе күй шебері Қайырғали Әлекеұлы, Астана білім басқармасының «Ардагерлер ұйымының» белсенді мүшесі Қажымұрат Нәсиеұлы, «Елорда ақсақалдар» кеңесінің белсенді мүшелері Әнуарбек Кайкенұлы, Өтеген Айшуақұлы Оспан Сүлейменұлы жайлы өнегелі естеліктерімен бөлісіп, ардагер ұстазға жылы тілектерін арнады.

Құттықтау кешінде №1 балалар музыка мектебінің шәкірттерінен құралған «Серпер» ансамблі Оспан Сүлейменұлының «Ғасырлар пернесі» күйін орындады. Сондай-ақ, автордың «Қазағымның дәстүрі», «Ақмолам Астанам» әндері шырқалды.

 

“№1 балалар музыка мектебі” ШЖҚ МКК © 2018-2024

Айтып біз туралы

Байланыс ақпараты

Мекен-жайы: Астана қаласы, Желтоқсан, 36

Телефон: +7 (7172) 31-43-86

E-mail: dmsh1astana@mail.ru

Сайтта кім

Сейчас на сайте 120 гостей и нет пользователей